"Манчестер Сити" ҳимоячиси Мануэль Аканжи Англия премьер-лигасида чемпионлик пойгаси натижаси ҳақидаги тахминлари билан ўртоқлашди.
"Сити" ҳозирда чемпионат пешқадамидан 4 очко ортда қолмоқда, аммо бугун ўз майдонида "Брентфорд"ни мағлуб этса, орадаги фарқ бир очкогач қисқаради.
"Брентфорд"га қарши ўйин ҳал қилувчи бўлади деб ўйламайман. Ғалаба қозонсак, пешқадамдан атиги бир очко ортда қоламиз. Кейин "Арсенал", "Астон Вилла" ва "Ливерпул"га қарши ўйнашимиз керак. Олдинда кўплаб муҳим ўйинлар бор. Жамоа уларга тайёр бўлиши керак", - дея Аканжининг сўзларини келтиради "Манчестер Сити" расмий сайти.
