“Краснодар” ярим ҳимоячиси Эдуард Сперцян фаолиятини Мадриднинг “Атлетико” клубида давом эттириши мумкин. Бу ҳақда журналист Энрике Сатуро хабар берди.

Манбага кўра, испан клуби скаутлари 23 ёшли футболчининг “Краснодар” йиғинидаги ўртоқлик учрашувларидаги ўйинини кузатишган. Трансфер кейинги ёзда амалга ошиши кутилмоқда.

Жорий мавсумда Сперцян “Краснодар” сафида 21 та ўйин ўтказиб, 8 та гол урди ва 4 та голли узатмани амалга оширди. Transfermarkt портали Арманистон терма жамоаси футболчисини 18 миллион еврога баҳоламоқда.