Англиянинг "Челси" клуби ёзги трансфер ойнасида таркибини кучайтирмоқчи.
Журналист Экрем Конурнинг ижтимоий тармоқлардаги маълумотларига кўра, “аристократлар” “Лилль” ҳужумчиси Жонатан Дэвид ва ҳимоячи Лени Йорони нишонга олишган.
Лондон клуби ходимлари тез орада Франция жамоаси билан эҳтимолий трансферлар шартларини муҳокама қилишни бошлашади.
Шунингдек, "Челси" билан рақобатлашишга тайёр бўлган бошқа Европа клублари ҳам футболчилар учун ариза топшираётгани маълум бўлди.
Эслатиб ўтамиз, Англия чемпионатининг 25-туридан сўнг лондонликлар 35 очко билан турнир жадвалида 10-поғонада бормоқда.
