"Реал"нинг собиқ президенти Рамон Кальдерон Килиан Мбаппени Мадрид клубига ўтиши керак деб ҳисобламоқда.
"У, шубҳасиз, ҳамма ўз жамоасида бўлишни ҳоҳлайдиган футболчилардан бири. У ажойиб футболчи.
Бизда жуда ёш ўйинчилар бор, у Винисиус, Родриго, Беллингем сафига қўшилади. Менимча, бизда жуда кучли жамоа бор. Шу боисдан ҳам биз Ла Лигада етакчимиз ва Чемпионлар Лигасидаги ҳар бир ўйинда ғалаба қозондик.
Бу унинг учун ажойиб ўтиш бўлади. "Реал Мадрид"нинг ҳар бир мухлиси Мбаппени "Бернабеу"да кўришни истарди.
У ўзининг орқасида из қолдиради. Агар у шу пайтгача ўйнагандек ўйнашда давом этса, у албатта тарихимиздаги энг муҳим футболчилардан бирига айланади", - деди Рамон Кальдерон.
