"Брентфорд" бош мураббийи Томас Франк ўз жамоаси футболчиларини "Манчестер Сити"га қарши ўйин учун юқори баҳолади. 71-дақиқада урилган гол эвазига “шаҳарликлар” минимал ғалабага эришди. Меҳмонларнинг хатосидан унумли фойдаланган Эрлинг Холанд ягона гол муаллифи бўлди.
“Мен жуда фахрланаман. Ўтказиб юборган голимизгача “Манчестер Сити”га кўп қаршилик қилдик. Иккинчи бўлимда ҳимоядаги вазиятни тўлиқ назорат қилиб олдик. Футболчилар ажойиб ўйин кўрсатишди, бизга шунчаки омад кулиб боқмади. Биз Холандга бундай совғаларни бера олмаймиз... Бу эпизоддан ташқари биз уни зарарсизлантиришга муваффақ бўлдик", - дея Франкнинг сўзларидан иқтибос келтиради BBC.
