27 февраль куни Япониянинг Хиросима шаҳрида бўлиб ўтадиган Осиё Чемпионлар лигасининг биринчи тури доирасидаги “Санфречче” – “Бунёдкор” учрашуви ҳакамларини ёдингизга солиб ўтамиз.

Япония чемпиони “Санфречче Хиросима” ҳамда Ўзбекистон кубоги соҳиби Тошкентнинг “Бунёдкор” жамоалари иштирокидаги илк тур доирасидаги учрашувни Бирлашган Араб Амирликларидан бўлган ФИФА рефериси – Али Ҳамад ал-Бадвави бошчилигидаги ҳакамлар гуруҳи бошқариб боришади.

Шуни алоҳида таъкидлаб ўтиш керакки, ал-Бадвави ўтган мавсумда “қалдирғочлар” иштирокидаги иккита баҳсни – гуруҳ босқичи доирасида меҳмондаги “Поханг Стилерз” ҳамда “Ульсан Хёндэ” клубига қарши Тошкентда ўтган ярим финалнинг биринчи учрашувларини бошқариб борган эди.

ОФК Чемпионлар лигаси-2013
“G” гуруҳи, 1-тур
“САНФРЕЧЧЕ ХИРОСИМА” (Япония) – “БУНЁДКОР” (Ўзбекистон)
Рефери: Али Ҳамад ал-Бадвави
Рефери ассистентлари: Солиҳ Муҳаммад ал-Марзуқи, Муҳаммад Жасим ал-Меҳайри
Тўртинчи ҳакам: Ҳамад Аҳмад Ҳошими (барчаси – БАА)
Учрашув назоратчиси: Сун Баожие (Хитой)
Учрашув комиссари: Ким Донг Ки (Жанубий Корея)