Мадриднинг "Реал" клуби раҳбарияти ярим ҳимоячи Жуд Беллингем билан шартнома шартларини қайта кўриб чиқади. Бу ҳақда журналист Рамон Альварес де Мон ижтимоий тармоқлар орқали хабар берди.
Манбанинг аниқлик киритишича, бунга Франция терма жамоаси ва "ПСЖ" ҳужумчиси Килиан Мбаппенинг "Сантьяго Бернабеу"га яқин орада кўчиб ўтиши сабаб бўлмоқда.
25 ёшли форвард жорий мавсум охирида "Қироллик клуби"га ўтиши керак. 20 ёшли Беллингем ўтган ёзда Мадрид гранди футболчисига айланди. "Реал" унинг учун "Боруссия"га 103 миллион евро тўлаган. Томонлар ўртасидаги амалдаги шартнома 2029 йилнинг июнь ойи охирида тугайди.
