"Барселона" бош мураббийи Хави журналистларга клубдан маълумот узатаётган шахсни қидириш билан банд, деб хабар бермоқда El Chiringuito TV.
Манбага кўра, "Барса"нинг барча ходимларининг мессенжерлари текширилган, Хави уларнинг телефонларидан журналистларнинг алоқаларини қидирган. Қолаверса, мураббийнинг ўзи ҳам ОАВга қўнғироқ қилиб, уларнинг манбалари номини билишга ҳаракат қилди.
Қайд этилишича, Хави айғоқчини қидиришда жуда фаол қатнашган, чунки клубдан "сизиб кетган" хабар ҳақиқат бўлиб чиққан. Ҳозирча маълумот берувчи топилмади.
Аввалроқ, 44 ёшли мутахассис, агар "Барселона" ЕЧЛ 1/8 финалида "Наполи"дан мағлуб бўлса, Каталония клубини тарк этиши мумкинлиги ҳақида хабар берилган эди.
Хави январ ойида мавсум охирида клубни тарк этишини эълон қилган эди. "Барселона" 21 феврал куни Чемпионлар лигаси 1/8 финалининг биринчи ўйинида "Наполи" меҳмони бўлади.
