Мюнхеннинг "Бавария" клуби раҳбарияти сўнгги ҳафталарда жамоанинг кўплаб футболчилари тил топиша олмаётган бош мураббий Томас Тухель билан ҳамкорликни давом эттира олмаслигини англаб етди. Бу ҳақда журналист Тоби Альтшуль хабар бермоқда.
Эслатиб ўтамиз, аввалроқ бир қатор манбалар Тухель ўз лавозимини тарк этиши ҳақида хабар берган эди, аммо "Бавария" раҳбарияти жорий мавсумни Томас билан якунламоқчи. Жамоа футболчиларига ҳеч қандай баҳона топмаслик ва мавсум якунига қадар бор кучини бериш кераклиги айтилди.
"Бавария" Бундеслига чемпионлиги учун курашда пешқадам "Байер"дан 8 очко ортда қолмоқда. Бундеслиганинг ушбу мавсуми якунланишига 12 та учрашув қолди.
