Myunxenning "Bavariya" klubi rahbariyati so‘nggi haftalarda jamoaning ko‘plab futbolchilari til topisha olmayotgan bosh murabbiy Tomas Tuxel bilan hamkorlikni davom ettira olmasligini anglab yetdi. Bu haqda jurnalist Tobi Altshul xabar bermoqda.
Eslatib o‘tamiz, avvalroq bir qator manbalar Tuxel o‘z lavozimini tark etishi haqida xabar bergan edi, ammo "Bavariya" rahbariyati joriy mavsumni Tomas bilan yakunlamoqchi. Jamoa futbolchilariga hech qanday bahona topmaslik va mavsum yakuniga qadar bor kuchini berish kerakligi aytildi.
"Bavariya" Bundesliga chempionligi uchun kurashda peshqadam "Bayer"dan 8 ochko ortda qolmoqda. Bundesliganing ushbu mavsumi yakunlanishiga 12 ta uchrashuv qoldi.
