Мюнхеннинг "Бавария" клуби яқинда бош мураббий Томас Тухелнинг мавсум якунида кетишини эълон қилди. Бироқ, The Telegraph хабарига кўра, германиялик мутахассис келишилган муддатдан олдин кетиши эҳтимоли бор.
Агар "Бавария" "Лацио"ни мағлуб эта олмаса ва Чемпионлар лигасининг чорак финалига йўлланмани қўлга кирита олмаса, Тухель март ойидаёқ истъефога чиқарилиши мумкин. Эслатиб ўтамиз, мюнхенликлар илк учрашувда римликларга меҳмонда минимал 0:1 ҳисобида имкониятни бой беришган эди.
"Бавария"нинг бош мураббийлик учун устувор номзоди Хаби Алонсо бўлиб турибди.
