"Бавария" ярим ҳимоячиси Конрад Лаймер жароҳатдан сўнг умумий гуруҳдаги биринчи машғулотини ўтказди.
Бу ҳақда Bild хабар бермоқда. Эслатиб ўтамиз, 26 ёшли футболчи охирги марта 24 январь куни майдонга тушганди.
Лаймернинг тикланиши дастлаб олти-саккиз ҳафта давом этиши кутилганди. Жорий мавсумда ярим ҳимоячи барча турнирларда 27 та учрашувда қатнашиб, битта гол урди ва иккита голли узатмани амалга оширди.
24 февраль куни Германия чемпионатининг 23-тури доирасида "Бавария" ўз уйида "РБ Лейпциг"ни қабул қилади.
