"Арсенал" бош мураббийи Микель Артета Чемпионлар лигаси 1/8 финали биринчи ўйинида "Порту"дан учралган мағлубият (0:1) ҳақида фикр билдирди.
“Биз янада яхшироқ ўйнашимиз керак. Дарвоза олдида юзага келган учта қулай имкониятни бой бериб, ғалаба қозона олмайсиз. Агар чорак финалга чиқмоқчи бўлсангиз, рақибингизни мағлуб этишингиз керак ва биз "Эмирейтс"да шундай қилишимиз керак. Биз етарлича таҳдид қилолмадик. Бизга тажовуз етишмади, айниқса, майдоннинг сўнгги учдан бир қисмида тўп билан. Биз яхшироқ ўйнай оламиз", - дея Артетанинг сўзларидан иқтибос келтиради УЕФА матбуот хизмати.
