УЕФА матбуот хизмати Чемпионлар лигасида ҳафтанинг энг яхши футболчиси бўлишга номзодлар рўйхатини эълон қилди. 20 ва 21 февраль кунлари 1/8 финалнинг яна тўртта дастлабки ўйинлари бўлиб ўтди.

Соврин учун Марко Арнаутович ("Интер"), Галено ("Порту"), Жои Веерман (ПСВ) ва Роберт Левандовски ("Барселона") даъвогарлик қилмоқда.

Бу ҳафтада “Порту” “Арсенал”дан ғалабани тортиб олди (1:0), “Наполи” “Барселона” билан дуранг ўйнади (1:1), “Интер” “Атлетико”ни мағлуб этди (1:0), ПСВ ва “Боруссия” ўзаро дуранг ўйнади (1:1).

Ҳафтанинг энг яхши футболчиси УЕФА расмий сайтида овоз бериш орқали аниқланади.