Мадриднинг “Реал” клуби “Унион” ҳимоячиси Диогу Лейтени ўз сафига қўшиб олишни режалаштирганди.
AS хабарига кўра, декабрь ойи охирида Давид Алаба тиззасидан олган жиддий жароҳати фонида ҳимоя чизиғини зудлик билан кучайтириш вариантлари орасида Лейтени мавсум охиригача ижарага олиш кўриб чиқилган.
Қайд этилишича, “Реал” бош мураббийи Карло Анчелотти 25 ёшли португалияликнинг ўйинидан ҳайратда қолган, бироқ якунда мадридликлар қишки трансферлардан воз кечишга қарор қилган.
Ўз навбатида Лейтенинг ўзи ҳам мавсум ўрталарида "Унион"ни тарк этишни режалаштирмаганди, чунки у мавсум бошида жамоадаги қийин вазиятни тўғирлаб, Португалия терма жамоасига Евро-2024'да ёрдам бермоқчи эди.
