"Баер" бош мураббийи Хаби Алонсо "Бавария" бош мураббийи сифатида Томас Тухелни алмаштириши мумкин. Эслатиб ўтамиз, аввалроқ Тухель жорий мавсум якунида клубни тарк этиши маълум бўлганди.
Sky Sport DE хабарига кўра, душанба куни Макс Эберл расман "Бавария" спорт кенгашининг янги аъзосига айланади.
Қайд этилишича, Эберл клуб спорт директори Кристоф Фреунд билан биргаликда Алонсонинг номзодини қатъий талаб қилади. Қайд этилишича, мюнхенликлар аллақачон испаниялик мураббий билан музокарага киришган.
Манбага кўра, "Бавария" Эберл ва Фреунд бошчилигидаги қайта қуришга дуч келмоқда. 22 турдан сўнг "Бавария" 50 очко билан Бундеслига турнир жадвалида иккинчи ўринда бормоқда.
