"Брайтон" бош мураббийи Роберто де Дзерби "Ливерпуль" бош мураббийи сифатида Юрген Клоппнинг вориси бўлиши мумкин. Немис мутахассиси жорий мавсум якунида мерсисайдликлар сафини тарк этади.

Ижтимоий тармоқлардаги инсайдер Экрем Конурнинг ёзишича, инглиз гранди босслари италиялик мураббий билан музокаралар олиб боришни режалаштиришган. Шу билан бирга, “қизиллар” бошқарувига асосий номзод ҳозирда Леверкузенда фаолият юритаётган испаниялик Хаби Алонсо сифатида қаралмоқда.

Эслатиб ўтамиз, январ ойи охирида Клопп 2023/2024 йилги мавсум охирида "Ливерпул"ни тарк этишини эълон қилган эди. Юрген бу лавозимни саккиз йилдан бери эгаллаб келмоқда.