Яқинда "Манчестер Юнайтед"нинг 25% улушини сотиб олган Жим Рэтклифф мавсум якунида бош мураббий Эрик тен Хагнинг келажаги борасида бир қарорга келади.
Бу ҳақда Daily Star нашрига таяниб, Transfer News Live хабар бермоқда. Қайд этилишича, Рэтклифф учун жамоанинг Чемпионлар лигасига йўл олиши муҳим.
Яъни, Тен Хагнинг келажаги жамоанинг Премьер-лига ушбу мавсумини кучли тўртликда якунлаши ёки йўқлигига боғлиқ бўлиши мумкин.
Эслатиб ўтамиз, Рэтклиффга тегишли келишув ёпилгандан сўнг "Манчестер Юнайтед" футбол ишларини бошқаришни ўз қўлига олди.
"Манчестер Юнайтед" айни дамда Англия чемпионатида олтинчи ўринни эгаллаб турибди. “Қизил иблислар” тўртинчи ўриндаги “Астон Вилла”дан 5 очко ортда қолмоқда.
