Туриннинг 18 ёшли "Ювентус" клуби ҳужумчиси Кенан Йилдиз Лондоннинг "Арсенал" жамоасининг нишонига айланган.
Tuttosport нашри хабарига кўра, "канонирлар" вакиллари ёш футболчининг трансфери борасида "кекса синьора" билан боғланишган. Инглиз клуби раҳбарияти ҳужумчи учун 40 миллион евро таклиф қилишга тайёр. Бироқ бу миқдор туринлик грандни ҳайратда қолдирди. Италия томони унинг иқтидорини камида 80 миллионга баҳоламоқда.
Жорий мавсумда Кенан барча турнирларда 24 та жангда қатнашган. Йилдизда бешта гол ва битта голли узатма бор. Унинг "Ювентус" билан шартномаси 2027 йилнинг ёзига қадар мўлжалланган.
