"Манчестер Сити" раҳбарияти, агар португалиялик ярим ҳимоячи Бернарду Силва "шаҳарликлар"ни тарк этса, ёзги трансфер ойнасида "Вест Хэм" ярим ҳимоячиси Лукас Пакетани сотиб олишга қарор қилди. Бу ҳақда Sky Sports хабар бермоқда.
Аввалроқ ОАВда парижликлар "Манчестер Сити" футболчиси хизматларига жиддий қизиқиш билдираётгани ҳақида маълумотлар пайдо бўлганди.
Эслатиб ўтамиз, жорий мавсумда Пакета барча турнирларда 27та ўйинда иштирок этиб, бешта гол ва олтита голли узатмага муаллифлик қилган. Футболчининг клуб билан амалдаги шартномаси 2027 йилнинг ёзига қадар тузилган.
Transfermarkt порталида берилган маълумотларга кўра, футболчининг бозор қиймати 65 миллион еврони ташкил қилади.
