Туриннинг “Ювентус” клуби бош мураббийи Массимилиано Аллегри келаси мавсумда Чемпионлар лигасига йўлланмани қўлга киритиш жамоаси учун қанчалик муҳим экани ҳақида гапирди.
Айни дамда “кекса синьора” А Серия турнир жадвалида иккинчи ўринда бормоқда. Аллегри шогирдлари билан бешинчи ўрин ўртасидаги фарқ 9 очкони ташкил этади.
“Ҳозирги вақтда биз учун мақсад сари диққатни жамлаш жуда муҳим. Биз Чемпионлар лигасига йўл олишни истаймиз. Бу клубга иқтисодий ва техник жиҳатдан яхши келажакни кафолатлайди. Аввал эътиборимизни “Фрозиноне”га қарши ўйинга қаратамиз, кейин эса “Наполи”га", - деди Аллегри матбуот анжуманида.
