"Наполи"нинг ғалабасиз серияси 4та ўйинга етди.
А Сериянинг 26-тури доирасидаги ўйинда "Наполи" сафарда "Кальяри" билан дуранг ўйнади (1:1). Неаполликлар 96-дақиқада гол ўтказиб юбориб, ғалабани қўлдан чиқарди.
Италиянинг амалдаги чемпиони қаторасига 4та ўйинда ғалаба қозона олмади. Бунгача миллий чемпионатда "Милан"дан мағлубият (0:1) ва "Женоа" билан дуранг (1:1), шунингдек, Чемпионлар лигаси 1/8 финалида “Барселона” билан дуранг (1:1) қайд этилганди. "Барселона" билан ўйиндан икки кун олдин клуб бош мураббий Вальтер Маццаррини истеъфога чиқарди ва жамоани Словакия терма жамоаси устози Франческо Кальцона қабул қилиб олди.
"Наполи" 37 очко билан турнир жадвалида 9-ўринда бормоқда. Пешқадам "Интер" ҳисобида 63 очко ва бита захира ўйини бор.
