“Ан-Наср”нинг португалиялик ҳужумчиси Криштиану Роналду Саудия Арабистони чемпионатининг 21-туридан ўрин олган “Аш-Шабаб” билан ўйинда жамоасининг ғалабасига муносабат билдирди. Учрашув Ар-Риёддаги “Шаҳзода Файсал бин Фадҳ” стадионида бўлиб ўтди ва 3:2 ҳисобида меҳмонларнинг ғалабаси билан якунланди. Ушбу учрашувда Роналду пенальтини аниқ амалга ошириб, битта гол урди.

"Охиригача ҳаракат қиламиз! Давом этамиз, тўхтаманг!”, деб ёзди Роналду ижтимоий тармоқда.

Айни дамда “Ан-Наср” Саудия Арабистони чемпионати турнир жадвалида 52 очко билан иккинчи ўринда бормоқда. Жамоа пешқадам “Ал-Ҳилол”дан 4 очко ортда қолмоқда.