“An-Nasr”ning portugaliyalik hujumchisi Krishtianu Ronaldu Saudiya Arabistoni chempionatining 21-turidan o‘rin olgan “Ash-SHabab” bilan o‘yinda jamoasining g‘alabasiga munosabat bildirdi. Uchrashuv Ar-Riyoddagi “Shahzoda Faysal bin Fadh” stadionida bo‘lib o‘tdi va 3:2 hisobida mehmonlarning g‘alabasi bilan yakunlandi. Ushbu uchrashuvda Ronaldu penaltini aniq amalga oshirib, bitta gol urdi.
"Oxirigacha harakat qilamiz! Davom etamiz, to‘xtamang!”, deb yozdi Ronaldu ijtimoiy tarmoqda.
Ayni damda “An-Nasr” Saudiya Arabistoni chempionati turnir jadvalida 52 ochko bilan ikkinchi o‘rinda bormoqda. Jamoa peshqadam “Al-Hilol”dan 4 ochko ortda qolmoqda.
