«Манчестер Юнайтед» ёзда камида 10 нафар футболчидан қутулишни режалаштирмоқда.
Журналист Самуэл Лекхурст берган маълумотларга кўра, клуб катта тозалаш ва рўйхатни янгилашни режалаштирмоқда.
Ташаббус клубнинг янги хўжайинларидан чиққан. Раҳбарият айрим футболчилар билан муддати тугайдиган шартномаларни янгиламайди.
Бу тоифага ҳужумчи Антони Марсьяль, шунингдек, ҳимоячилар Рафаэль Варан ва Жони Эванс киради.
Сотувга қўйилганлар рўйхатига Кристиан Эриксен, Антони, Каземиро ва Дортмунднинг "Боруссия"сида ижара асосида тўп тепаётган Жейдон Санчо ҳам киритилиши мумкин.
