"Олтин тўп" соҳиби Зинедин Зидан 90-йилларда Марчелло Липпи билан ишлаш истаги туфайли Туриннинг "Ювентус"ига ўтганини тан олди - ўшанда айнан у клубни бошқарган ва уни Италия футболи элитасига қайтаришга муваффақ бўлган. Айнан Липпи қўл остида "Юве" охирги марта 1996 йилда Чемпионлар лигасида ғалаба қозонган.
“Ювентус”га Липпи сабаб келганман. Франциядан кейин Италия футболи менга ғайриоддий туюлди, аммо мураббий туфайли тезда мослашиб олдим. Мен учун Липпи шунчаки собиқ мураббий эмас, балки мени шакллантирган шахс. Мен уни Эме Жаке ва Карло Анчелотти билан бирга фаолиятимдаги энг яхшиларидан бири деб биламан", - дея Зидан сўзларини келтиради pianetamilan.it.
