"Oltin to‘p" sohibi Zinedin Zidan 90-yillarda Marchello Lippi bilan ishlash istagi tufayli Turinning "Yuventus"iga o‘tganini tan oldi - o‘shanda aynan u klubni boshqargan va uni Italiya futboli elitasiga qaytarishga muvaffaq bo‘lgan. Aynan Lippi qo‘l ostida "Yuve" oxirgi marta 1996 yilda Chempionlar ligasida g‘alaba qozongan.
“Yuventus”ga Lippi sabab kelganman. Fransiyadan keyin Italiya futboli menga g‘ayrioddiy tuyuldi, ammo murabbiy tufayli tezda moslashib oldim. Men uchun Lippi shunchaki sobiq murabbiy emas, balki meni shakllantirgan shaxs. Men uni Eme Jake va Karlo Anchelotti bilan birga faoliyatimdagi eng yaxshilaridan biri deb bilaman", - deya Zidan so‘zlarini keltiradi pianetamilan.it.
