"Барселона" Давид Де Хеа билан шартнома имзолаш ҳақида ўйламоқда.

Mundo Deportivo хабарига кўра, клуб Марк-Андре тер Штеген ўрнига Иньяки Пеньядан кўра тажрибалироқ дарвозабон излаш борасида ҳали қарор қилгани йўқ. Бироқ 24 ёшли футболчининг ўзи ўйин амалиёти учун қўйиб юборишни сўрайди деган хавотирлар бор.

"Блауграна" дарвозабон излаб бозорга чиқмоқчи бўлса, улар аллақачон ўзлари қизиқаётган футболчилар рўйхатини тайёрлаб қўйган. Улар орасида “Лацио”дан “Альмерия”га ижарага берилган Луиш Машимиану ҳам бор. "Барселона" бир неча йил олдин португалияликни кузатишни бошлаган эди.

Жамоа шу ёзда шартномаси тугайдиган ёки аллақачон тугаган дарвозабонларни ҳам кузатиб бормоқда. Улар орасида “Манчестер Юнайтед”нинг собиқ футболчиси Давид Де Хеа ҳам бор. Аммо унинг захира варианти сифатида жамоага ўтиш эҳтимоли паст.