"Barselona" David De Xea bilan shartnoma imzolash haqida o‘ylamoqda.

Mundo Deportivo xabariga ko‘ra, klub Mark-Andre ter Shtegen o‘rniga Inyaki Penyadan ko‘ra tajribaliroq darvozabon izlash borasida hali qaror qilgani yo‘q. Biroq 24 yoshli futbolchining o‘zi o‘yin amaliyoti uchun qo‘yib yuborishni so‘raydi degan xavotirlar bor.

"Blaugrana" darvozabon izlab bozorga chiqmoqchi bo‘lsa, ular allaqachon o‘zlari qiziqayotgan futbolchilar ro‘yxatini tayyorlab qo‘ygan. Ular orasida “Lasio”dan “Almeriya”ga ijaraga berilgan Luish Mashimianu ham bor. "Barselona" bir necha yil oldin portugaliyalikni kuzatishni boshlagan edi.

Jamoa shu yozda shartnomasi tugaydigan yoki allaqachon tugagan darvozabonlarni ham kuzatib bormoqda. Ular orasida “Manchester Yunayted”ning sobiq futbolchisi David De Xea ham bor. Ammo uning zaxira varianti sifatida jamoaga o‘tish ehtimoli past.