"Ювентус" ҳужумчиси Душан Влаҳович клуб билан янги шартнома имзолашга тайёр. Маълумотларга кўра, "Бянконери" раҳбарлари сербиялик учун янги шартнома устида анчадан бери ишламоқда, аммо молиявий компонент тўсиқ бўлди.
"Ювентус" футболчининг маошини узоқроқ муддатга тақсимлаб, камайтирмоқчи. La Gazzetta dello Sport нашрининг янгиланган маълумотларига кўра, томонлар келишувга яқин. 24 ёшли футболчи 2028 йилгача янги шартнома имзолаши кутилмоқда.
Форвард келажагини Турин клуби билан боғламоқчи. Душан Влаҳович ушбу мавсумда 25 ўйинда 15 гол ва 3 голга ассистентлик қилган.
