"Манчестер Сити" бош мураббийи Пеп Гвардиола жамоаси ҳужумчиси Эрлинг Холанднинг Англия кубоги 1/8 финалида "Лутон Таун"га қарши ўйиндаги (6:2) ўйинини юқори баҳолади.

"Холанднинг ўйини ҳақида нима дея оламан? Биз кўрган ҳамма нарса жуда яхши эди. Холанд ёнмоқда ва унинг Де Брюйне билан алоқаси мукаммал эди. Бу жуда яхши ўйин бўлди ва биз чорак финалга чиқдик. Кевинга Эрлинг каби футболчилар керак, Эрлингга эса Кевин каби футболчилар. Аммо қолган йигитларсиз биз бу ерда бўлмасдик. Ҳар бир инсон бугунги ғалаба учун катта ҳурматга лойиқдир. "Уэмбли"га қайтишимиз учун битта ўйинимиз бор", - дея Гвардиоланинг сўзларини келтиради BBC.

Жорий мавсумда форвард “шаҳарликлар” сафида барча турнирларда 30 та ўйин ўтказиб, 27 та гол ва 6 та голли узатмага муаллифлик қилган.