Икки кунлик қисқа таътилдан сўнг бугун Тошкентда йиғилган «Шўртан» кеча тушдан кейин «Навбаҳор»га қарши ўртоқлик учрашувини ўтказди. Назорат беллашуви Тошкент вилояти Аҳмад Яссавий жамоа хўжилигида жойлашган стадионда бўлиб ўтди. Мазкур ўйинда ғузорликлар 1:3 ҳисобида мағлубиятга учрашди.

Албатта, икки кунлик таътилдан сўнг бирданига ўйин ўтказилиши йигитларга ўз таъсирини ўтказмасдан қолмади ва ғузорликлар ўзларидан кутилган ўйинни намойиш қила олмади.
"Навбаҳор"дан голларни Абдураззоқ Жўраев, Соҳиб Абдуллаев ҳамда Леонид Кошелев киритишган бўлса, ғузорликларнинг ягона гол Павел Соломин ҳисобига ёзилди.

Энди «Шўртан» вакиллари то «Металлург» билан ўйингача кунига бир маҳалдан машғулот олиб боришади. Эслатиб ўтамиз, олий лиганинг 1-туридан ўрин олган «Металлург» - «Шўртан» баҳси 2 март куни Бекободдаги янги стадионда бўлиб ўтади. Ўйиннинг бошланиш вақти — 15:00.

"Навбаҳор"даги янгиликлар борасида тўхталадиган бўлсак, Асқар Жадигеров жамоада тўп сурмайдиган бўлди. Унинг ўрнига бошқа ўйинчилар билан музокаралар олиб борилмоқда.