Серхи Роберто Саудия Арабистонига кўчиб ўтишдан бош тортди.
“Барселона” билан шартномаси мавсум охирида якунига етадиган ҳимоячи “Ал-Қодисия”дан таклиф олди, деб хабар беради Mundo Deportivo. Футболчи Саудия Арабистони иккинчи дивизионида етакчилик қилаётган клубга ўтишдан бош тортди.
Қайд этилишича, футболчининг қарорига футболдан кўра кўпроқ шахсий сабаблар таъсир қилган: унинг рафиқаси исроиллик оиладан бўлган америкалик модель ва Исроил ва Фаластин ўртасидаги зиддиятни ҳисобга олсак, у араб давлатларидан бирида ўзини ноқулай ҳис қилади.
Қайд этилишича, “Барселона” ҳали Роберто билан келишувни узайтириш бўйича чора кўрмаган, якуний қарор каталонияликларнинг янги мураббийига боғлиқ. Футболчи ўзини МЛСда синаб кўришга тайёр.
