Франция президенти Эммануэль Макрон кечки овқат пайтида миллий терма жамоа ҳужумчиси Килиан Мбаппе билан келажагини муҳокама қилмаганини айтди.
27 февраль, сешанба куни "ПСЖ" ҳужумчиси Қатар амири Тамим бин Ҳамад Ол Сонийнинг давлат ташрифи муносабати билан Елисей саройида ташкил этилган расмий қабулда иштирок этди.
Аввалроқ, 25 ёшли футболчи келаси ёзда эркин агент сифатида "Реал"га ўтишга рози бўлгани хабар қилинганди.
“Бу кечки овқат Мбаппени сақлаб қолишга уринишмиди? Бўлиши мумкин эмас. Бу масала муҳокама қилинмаган, буни клуб раҳбариятининг ихтиёрига қолдираман”, — дея Макроннинг сўзларини келтиради RMC Sport.
2023/24 йилги мавсумда Мбаппе “ПСЖ” сафида 32 та ўйин ўтказиб, 32 та гол ва 7 та голли узатмани амалга оширган.
