«ПСЖ» бош мураббийи Луис Энрике «Милан» ҳужумчиси Рафаэль Леау ҳақидаги саволга жавоб берар экан, ҳазиллашди.
Хабарингиз бор, миш-мишлар 24 ёшли Леауни "ПСЖ" билан фаол боғлаб турибди.
Қайд этилишича, Парижда улар бу футболчини Килиан Мбаппега ўринбосар сифатида кўришмоқда.
“Леау? Бу қўшиқчими? [кулади]. Ҳазил қиляпман, кимлигини жуда яхши биламан. Лекин мен клубимизда бўлмаган футболчини муҳокама қила олмайман.
Келгуси мавсумда жамоамиз янада кучайишига умид билдиришим мумкин. Ҳимояда ҳам, ҳужумда ҳам, физик жиҳатда ҳам, технологияда ва тактикада ҳам яхшиланишимизга шубҳам йўқ", - деди Энрике матбуот анжуманида.
