"Ливерпул"нинг собиқ бош мураббийи Рафаэль Бенитес "Байер"даги ҳамкасби Хаби Алонсони мақтади.

Алонсо бир вақтлар Бенитес қўл остида "Ливерпуль" шарафини ўйинчи сифатида ҳимоя қилган, энди эса Хаби мавсум охирида "қизиллар" мураббийлик бошқарувини тарк этадиган Юрген Клоппнинг ўрнига фаворит саналади.

Бенитеснинг сўзларига кўра, Алонсо ҳар доим ўзининг ақл-заковати билан ажралиб турган. Рафаэль нега "Байер"нинг жорий мавсумдаги муваффақияти инобатга олинса, Хаби атрофида шов-шув кўплигини тушунади.

"У ақлли ва аналитик эди. Ўйинчиларга бирор нарсани тушунтирганда, уларни такрорлаш керак. Хаби эса тез ўрганадиган одам эди.

У катта номга эга, у яхши профессионал, яхши йигит, у ақлли ва у жуда яхши ишлаяпти, шунинг учун мен миш-мишларни тушуна оламан. Лекин тасаввур қилинг-а, агар Стивен Жеррард атрофида бўлса, яхши ишлайди. Шунда ҳамма: "Жеррард" дер эди. Ижтимоий тармоқларда ҳамма нарса жуда тез содир бўлади ва одамлар катта расмни кўрмайдилар" - деди Бенитес The Guardian нашрига.