"Кристал Пэлас" бош мураббийи Оливер Гласнер "Тоттенхэм"га қарши бўлиб ўтадиган дерби ҳақида гапирди.
Айтиш жоизки, “Кристал Пэлас” сўнгги тўртта ўзаро ўйиннинг ҳар бирида “Тоттенхэм”га ютқазган – 0:3, 0:4, 0:1, 1:2.
"Мен бу даҳшатли серия ҳақида биламан. Аммо ўтмишда содир бўлган нарса келажакда содир бўлиши шарт эмас.
Биз бу ўйинга тайёргарлик кўряпмиз. Постекоглу "Тоттенхэм"да ажойиб иш қилди, улар жуда кучли ва тажовузкор ҳимояланишади.
Лекин биз уларнинг уйига ишонч билан ташриф буюрамиз ва уч очко олишга ҳаракат қиламиз", деди Гласнер матбуот анжуманида.
