«Андижон» тақвимга асосан янги чемпионатнинг 1-турини 3 март куни Олмалиқда ОКМКга қарши ўтказади.

Жамоаларнинг Ўзбекистон чемпионатидаги ўйинлар тарихи 2008 йилдан бошланган. У пайтда ОКМКнинг номи ОТМК деб номланган. 2008 йилнинг 12 апрель куни ушбу клубларнинг ўйинлар тарихи ёзилиши бошланган. Ўшанда олмалиқликлар 1:0 ҳисобида ғалаба қозонган. Ўша йили иккинчи даврада Андижондаги беллашувда мезбонлар ҳам шу кичик ҳисобда ғолиб чиққан.

Бир сўз билан айтганда, шу пайтгача клублар 24 бор учрашишган ва навбатдагиси 25-ўйин ҳисобланади. ОКМКда 16, «Андижон»да эса 4 та ғалаба бор. Қолаверса, дуранглар сони ҳам 4 та. Тўплар нисбати эса 48-28, ОКМК фойдасига. Охирги бор «Андижон» бу рақибини 2011 йили ўз уйида 1:0 ҳисобида мағлубиятга учратган.

«Андижон» матбуот хизмати.