Каталониянинг "Барселона" клуби бош мураббийи Хави жамоа ҳужумчиси Жоау Феликснинг аҳволи ҳақида гапирди.
Эслатиб ўтамиз, португалиялик футболчи январь ойи охирида жароҳат олган ва бир ойдан кейин сафга қайтишга муваффақ бўлганди. "Хетафе" билан сўнгги ўйинда Феликс гол урди ва "Барселона"нинг Испания чемпионатида 4:0 ҳисобида ғалаба қозонишига ёрдам берди.
"Феликс яқинда жароҳатидан фориғ бўлди. Муайян вақт давомида унга ортиқча босим ўтказмаслигимиз керак, аммо ҳозир у ўзини қулай ҳис қилмоқда ва жамоа ўйинига ҳисса қўшишда давом этмоқда. Мен Жоаудан тўлиқ мамнунман", - деди Хави матбуот анжуманида.
Феликснинг ижара муддати ёзда тугайди. "Барселона" ҳали "Атлетико"дан футболчини сотиб олиш ёки сотиб олмалик борасида бир қарорга келмаган.
