Лондоннинг «Челси»клубини бошқариб келаётган Рафаэл Бенитес Англия кубоги доирасидаги «Мидлсбро»га қарши учрашувдан сўнг кескин фикр билдирган бўлишига қарамай, жамоада қоладиган бўлди.
52 ёшли мураббий одатдагидай фаолиятини давом эттирмоқда ва бугун машғулотларда ҳам иштирок этди. Ҳеч қандай жарима санкцияси ҳақида ҳам гап кетгани йўқ.
Айтиб ўтиш жоизки, мавсум охирига қадар клуб билан шартномаси мавжуд бўлган мураббий исталган вақтда «Челси»дан кетиши мумкинлигини айтган ва мухлисларга нисбатан шундай деган эди: «Мухлислар баннерларни кўтариш билан бекорга вақт сарфлашади. Улар хавотирланишмаса ҳам бўлади. Мен мавсум тугагач кетаман. Бундай мухлислик жамоанинг классига салбий таъсир қилади».