"Рома" Жозе Моуриньо кетганидан кейин А Сериядаги 8 учрашувнинг 7 тасида ғалаба қозонган.
А Сериянинг 27-тури доирасидаги ўйинда “Рома” сафарда “Монца”ни мағлуб этди (4:1).
Шу тариқа, Моуриньо четлатилгач, “Рома” чемпионатдаги 8 ўйиндан 7 тасида ғалаба қозонган – аввалроқ Даниэле де Росси бошчилигидаги жамоа “Верона” (2:1), "Салернитана" (2:1), “Кальяри” (4:0), "Фрозиноне" (3:0) ва "Торино"ни (3:2) мағлуб этди.
Римликлар бу даврдаги ягона мағлубиятни "Интер"дан қабул қилиб олишди (2:4).
"Рома" айни дамда 47 очко билан А Серияда 5-ўринни эгаллаб турибди.