Терзичнинг Дортмунд бошқарувидаги келажаги хавф остида қолиши мумкин.

Германиянинг Sky Sport нашри хабарига кўра, клуб бош директори Ханс-Йахим Вацкенинг Эдин Терзични қўллаб-қувватлаши аста-секин заифлашмоқда. Жамоанинг сўнгги пайтларда кўрсатаётган ёмон ўйинлари раҳбариятнинг эътиборидан четда қолмади, улар вазиятни диққат билан кузатиб бормоқда.

Хабар қилинишича, "Боруссия" раҳбарияти яқинда "Хоффенхайм" билан ўйинда (2:3) "қора-сариқлар"нинг таркиби энг кучли бўлган деб ҳисобламоқда. Ўйинда Забицер, Брандт, Санчо, Ройс ва Мален иштирок этди. Бироқ жамоанинг ҳужумдаги ўйини клуб раҳбарларига ёқмади.

Тахминларга кўра, дортмундликларнинг бўлажак ўйинлари, хусусан, "Вердер" билан ўйини немис мутахассисининг кейинги тақдирида ҳал қилувчи аҳамиятга эга бўлади. Дортмундликлар учун келаси мавсум Чемпионлар лигасига йўл олиш жуда муҳим.

Қайд этилишича, "Унион" билан ўйин муваффақиятсиз якунланганида Терзичнинг аҳволи янада оғирлашиши мумкин эди, бироқ “Боруссия” меҳмонда ғалаба қозона олди (2:0).