Франция терма жамоасининг собиқ футболчиси Франк Лебёвф Криштиану Роналдунинг сўнгги баёнотига муносабат билдирди. Португалиялик футболчи Саудия лигаси Франция чемпионатидан устун эканлигини айтди.
"Роналдунинг Саудия Арабистони Про-лигаси Лига 1дан яхшироқ деганини эшитсам, ғашим келади. Нима учун у Португалия лигасини эмас, Лига 1ни эслашга қарор қилди деб ўйлайсиз? Чунки Месси Лига 1да ўйнаган! Мен Роналдуни футболчи сифатида жуда ҳурмат қиламан, лекин овозингни ўчир!" - деди Лебёф BetVictor билан суҳбатда.
Криштиану Роналду Саудия Арабистонида 2023 тақвим йили бошидан буён "Ан-Наср" сафида ўйнаб келмоқда. Португалиялик юлдузнинг амалдаги шартномаси 2024/2025 йилги мавсум охиригача амал қилади.
