«Манчестер Юнайтед» фахрий футболчиси Райан Гиггс жамоа билан шартномасини бир йилга узайтирди. Бу ҳақда клуб расмий сайтида хабар берилган.
Шундай қилиб футболчи камида 2014 йилнинг ёзигача «МЮ» таркибида тўп тепади. Келаси мавсум у учун 23 си бўлади.
Айтиш жоизки, Райан жамоа таркибида 1990/1991 йилги мавсумда дебют қилган. Ўтган вақт давомида «МЮ» таркибида 931 учрашувда майдонга тушиб, рақиблар дарвозаларига 168 та гол киритган ва 24 совриннинг соҳибига айланган.
Ушбу мавсумда Гиггс турли хил мусобақаларда 5 та гол киритишга муваффақ бўлган.













