«Ливерпуль» устози Брендан Роджерс жамоа ҳужумчиси Луис Суареснинг мавсум сўнгига қадар бошқа жамоага кетмаслигига ишонмоқда.

«Ишонч билан айтишим мумкинки, Суарес мавсум тугаганига қадар ҳеч қаерга кетмайди. Икки ҳафта олдин унинг агенти билан гаплашган эдим ва у Луиснинг «Ливерпуль»да бахтли эканини айтди.

У жуда ажойиб мавсумни ўтказмоқда. Луисга бизнинг ўйин фалсафамиз ёқади.

У жамоага ҳар томонлама ёрдам бергиси келади. Ўтган ёзда янги шартнома имзолагани учун унинг жамоадан кетишига ишониш қийин.

Тўғри, биз бу йил бирор бир турнирда ғолиб бўлишимиз амри маҳол. Бизда фақта премьер лига қолди. Клуб чемпионатда кучли олтиликка кириш учун ҳаракат қилади. Лекин аминманки, Луис биз билан қолади»,- дейди мураббий.