"Байер" Хаби Алонсога ўринбосар қидирмоқда.
Bild хабарига кўра, "Байер" келажакда клуб қизиқиш билдириши мумкин бўлган 20 дан ортиқ мураббийлар рўйхатини тузган. Улар ҳақида асосий маълумотлар тўпланган - масалан, шартнома муддати, товон пули, ўйин услуби, тил билими.
Қисқа рўйхатга Хаби Алонсонинг вориси сифатида қаралиши мумкин бўлган бешдан ўн нафаргача номзодлар киритилган. "Байер" испанияликнинг "Бавария" ва "Ливерпуль" қизиқишларига қарамай, яна бир мавсум клубда қолишига ишончи комил, бироқ улар ҳамма нарсага тайёр бўлишни хоҳлайди.
Леверкузен клуби "Штутгарт" бош мураббийи Себастьян Хёнес ва "Реал"нинг иккинчи жамоасини бошқараётган Раулга қизиқиш билдирмоқда.
Қайд этилишича, “Байер” спорт директори Саймон Рольфес бир неча ҳафта давомида ҳеч ким билан Алонсонинг эҳтимолий ворислари ҳақида гаплашмаяпти – у ёзда янги мураббий тайинлашни режалаштираётгани ҳақидаги таассурот яратмоқчи эмас. Рольфес Хаби билан ишлашни давом эттирмоқчи.
