"Bayer" Xabi Alonsoga o‘rinbosar qidirmoqda.
Bild xabariga ko‘ra, "Bayer" kelajakda klub qiziqish bildirishi mumkin bo‘lgan 20 dan ortiq murabbiylar ro‘yxatini tuzgan. Ular haqida asosiy ma’lumotlar to‘plangan - masalan, shartnoma muddati, tovon puli, o‘yin uslubi, til bilimi.
Qisqa ro‘yxatga Xabi Alonsoning vorisi sifatida qaralishi mumkin bo‘lgan beshdan o‘n nafargacha nomzodlar kiritilgan. "Bayer" ispaniyalikning "Bavariya" va "Liverpul" qiziqishlariga qaramay, yana bir mavsum klubda qolishiga ishonchi komil, biroq ular hamma narsaga tayyor bo‘lishni xohlaydi.
Leverkuzen klubi "Shtutgart" bosh murabbiyi Sebastyan Xyones va "Real"ning ikkinchi jamoasini boshqarayotgan Raulga qiziqish bildirmoqda.
Qayd etilishicha, “Bayer” sport direktori Saymon Rolfes bir necha hafta davomida hech kim bilan Alonsoning ehtimoliy vorislari haqida gaplashmayapti – u yozda yangi murabbiy tayinlashni rejalashtirayotgani haqidagi taassurot yaratmoqchi emas. Rolfes Xabi bilan ishlashni davom ettirmoqchi.
