Лондоннинг "Челси" клуби жорий мавсум якунига қадар жамоа бош мураббийи Маурисио Почеттинони истеъфога чиқаришни режалаштирмаяпти. Бу ҳақда инсайдер Бен Жейкобс ижтимоий тармоқлар орқали маълум қилди.
Раҳбарият фикрича, аргентиналик мураббий бошчилигида жамоа соврин учун кураша олади. "Аристократлар" Англия кубогида ғолиб чиқишни истамоқда. Қолаверса, клуб Премьер-лигани ҳам яхши якунлай олишига умид қилмоқда.
Аввалроқ Почеттинонинг эҳтимолий ўринбосарлари орасида Роберто де Дзерби ва Рубен Аморим борлиги хабар қилинганди.
