"Барселона" ярим ҳимоячиси Педри жароҳати сабаб бўлажак Европа чемпионатида иштирок этмаслиги мумкин.
21 ёшли футболчи яқинда Бильбаонинг “Атлетик” клубига қарши ўйинда жароҳат олган эди. Олдинроқ жароҳат жиддий бўлиши мумкинлиги хабар қилинганди, бироқ футболчи операциядан бош тортишни режалаштирмоқда. Bar Canaletes'нинг янгиланган маълумотларига кўра, Педрини келажакда муаммоларга дуч келмаслик учун операцияга рози бўлишга кўндиришмоқчи. Ярим ҳимоячи нафақат “Барселона” сафида жорий мавсумнинг қолган ўйинларида майдонга туша олмаслиги, балки Евро-2024 да Испания терма жамоасига ёрдам бера олмаслиги катта эҳтимол.
Педри ушбу мавсумда "блауграна" сафида 24 та ўйинда майдонга тушиб, 2 та гол ва 4 та голли узатмага муаллифлик қилган.
