"Barselona" yarim himoyachisi Pedri jarohati sabab bo‘lajak Yevropa chempionatida ishtirok etmasligi mumkin.
21 yoshli futbolchi yaqinda Bilbaoning “Atletik” klubiga qarshi o‘yinda jarohat olgan edi. Oldinroq jarohat jiddiy bo‘lishi mumkinligi xabar qilingandi, biroq futbolchi operasiyadan bosh tortishni rejalashtirmoqda. Bar Canaletes'ning yangilangan ma’lumotlariga ko‘ra, Pedrini kelajakda muammolarga duch kelmaslik uchun operasiyaga rozi bo‘lishga ko‘ndirishmoqchi. Yarim himoyachi nafaqat “Barselona” safida joriy mavsumning qolgan o‘yinlarida maydonga tusha olmasligi, balki Yevro-2024 da Ispaniya terma jamoasiga yordam bera olmasligi katta ehtimol.
Pedri ushbu mavsumda "blaugrana" safida 24 ta o‘yinda maydonga tushib, 2 ta gol va 4 ta golli uzatmaga mualliflik qilgan.
